Tuisblad

Toegang

Fees Teater

Straat Karnaval

Fees Eilandprogram

Kindertentprogram

Makietie Kos

Foto Gallery

Sport

Stalletjies Aansoek

› Fees Bestuur
  & Kontak Ons
› Upington Kaart

› Fees Borge

› Gastehuis Borge &    Feesvriende



Kalahari Kuierfees
25 – 27 September 2014

DIE MISSIE VAN DIE KALAHARI KUIERFEES
 

Die Kalahari Kuierfees is ‘n nie-winsgewende maatskappy en stel
hom ten doel om ’n afrikaanse gesinsfees aan te bied
deur die gemeenskap aan die gemeenskap vir alle kultuurgroepe
van die Noord-Kaap, en sal jaarliks te Upington gehou word.

Die Feeskomitee en Direksie sal alles in sy vermoe doen om
die Kuierfees oor alle grense heen te bemark om sodoende
Sport, Kuns, Kultuur en Toerisme te bevorder.

 
 

Upington le in die voorportaal van Augrabies, Kgalagadi Transfrontier Park (gemsbok park), Witsand, Pella, Namibië en Botswana en is 800km vanaf Kaapstad, Windhoek en Johannesburg.
In die laat tagtigerjare – vroeë negentigs het die munisipaliteit van Upington ‘n Waterfees aangebied wat tot gevolg gehad het dat die SAD Wingerdvrugte besluit het om met die Fees-idee aan te gaan.

Oranjerivier se direkteure van daardie tyd het gevoel omdat SAD Wellington toe reeds die halfmarathon vir ‘n aantal baie suksesvol angebied het, Upington ‘n soortgelyke gebeurtenis wil aanbied. Die Benede Oranje is immers die grootse bydraer tot die totale SAD-omset.
So het die SA Rosyntjiefees toe ontstaan.

Vir agt jaar lank het die SAD die Rosyntjiefees wat op die Eiland plaasgevind het (soos vandag nogsteeds) in totaliteit geborg en aangebied in samewerking met die Benede Oranje se verskeie boerevereenigings. Die SAD Rosytnjiefees het werklik groot hoogtepunte opgelewer. Veral die ou SAUK was aanvanklik baie betrokke by die fees met gepaargaande hoë nasionale blootstelling.

Letterlik volledige buite-uitsendingseenhede het kamp opgeslaan op die Oranje se wal. Ons onthou veral Goeiemôre Suid Afrika, Spies & Plessis en Body Beat wat vir ‘n volle week direk vanaf Upington uitgesaai is. Ook ons sport wat aangebied was, spesifiek die driekamp het so sterk deurgekom dat ons selfs een jaar twaalf internasionale atlete op Upington in aksie gesien het. Ons het sulke goeie myle uit hierdie fees gekry dat dit baie maklik was om die uitgawes af te speel teen reklame, veral TV advertensies is baie duur. Die eerste paar jaar is ook geen hekgelde gevra nie.

Soos dit met die lewe gaan het daardie era ook ten einde geloop. Veral op grond van kostes om die fees op dieselfde vlak te hou, moes addisionele borge ingetrek word. So is die fees in die jaar 2000 amptelik oorgedra na die gemeenskap van Upington en is die Kalahari Kuierfees gebore, met SAD steeds as die hoofborg. Die idee is om ‘n fees, streeksprodukte, natuur, kultuur, teater, literatuur, musiek en menswees. Die fees wil nie as net nog ‘n kunstefees bekend staan nie, maar as ‘n kuierfees wat die streek in sy geheel verteenwoordig. Saam met die konsep van kuier word ‘n verskeidenheid sportsoorte en kompetisies soos Fietsry, Rolbal, Plaaslike sterkman kompetisie, Halfmarathon, Upington Toyota Bybelgenootskap lekkerstap aangebied.

Vir die eerste keer is aktiwiteite ook toe elders dan die Eiland aangebied. Aktiwiteite soos die teaters is ingestel in die dorp om die gevoel van kunste en kuier, nie slegs tot die Eiland te beperk nie. Die fees het ook ‘n vryverhoog (gratis verhoog) in die middedorp met bekende nasionale kunstenaars wat die dorp in ‘n feesstemming hou en gratis vermaak bied aan oud en jonk.

Die Kalahari Kuierfees word tot in ieder en elk se huis geneem deur middel van die media soos die Gemsbok, Volksblad, die Klets (Feesboek) waarvan 15 000 eksemplare gratis versprei word oor die hele Noord-Kaap, Radio Riverside wat die fees se amptelike radiostasie is asook Radio Oranje en RSG. Tussen 15 000 en 20 000 mense besoek van oraloor jaarliks die Kalahari Kuierfees
Copyright © 2013 Kalahari Kuierfees. Designed and Hosted by: Upington-Online